188ÌåÓý

Gallwch wneud cais am yr hawl i ddelio â Budd-dal Plant rhywun sy’n methu â rheoli ei faterion ei hun, er enghraifft, os yw rhywun yn analluog yn feddyliol neu’n ddifrifol anabl.

Gelwir hyn yn dod yn ‘benodai�.

Gallwch wneud cais fel unigolyn, neu fel sefydliad gwirfoddol.

Os ydych yn cael eich talu i ddelio â Budd-dal Plant rhywun arall, cewch eich adnabod fel bod yn ‘asiant sy’n cael ei dalu�.

Sut i fod yn benodai

Cysylltwch â’r Swyddfa Budd-dal Plant er mwyn hawlio. Byddant yn trafod gyda chi os mai bod yn benodai yw’r dewis gorau i chi, a rhoi gwybod i chi beth sydd angen i chi ei wneud.

Eich cyfrifoldebau

Bydd rhai o’ch dyletswyddau fel penodai yn cynnwys:

• cwblhau’r ffurflen hawlio
• delio gydag unrhyw lythyrau gan y Swyddfa Budd-dal Plant
• adrodd am unrhyw newidiadau sy’n effeithio Budd-dal Plant
• stopio neu ailgychwyn taliadau pan fydd y person, neu ei bartner, yn cael ei effeithio gan y Tâl Treth Budd-dal Plant Incwm Uchel

Bydd eich Budd-dal Plant yn cael ei dalu i’ch cyfrif banc.

Sut i fod yn asiant sy’n cael ei dalu

Mae’n rhaid i’ch cleient anfon llythyr at y Swyddfa Budd-dal Plant, yn rhoi gwybod eich bod yn gallu delio â Budd-dal Plant ar ei ran.

Stopio neu newid penodai neu asiant sy’n cael ei dalu

Ysgrifennwch at y Swyddfa Budd-dal Plant cyn pen un mis o’r dyddiad yr ydych am stopio neu newid y penodai.