188ÌåÓý

Bydd pobl sy’n gweithio ar draws Cymru yn cael budd o fynediad gwell i swyddi a chyfleoedd diolch i fuddsoddiad rheilffyrdd Cymru gwerth o leiaf £445 miliwn a gyhoeddwyd gan y Canghellor Rachel Reeves heddiw fel rhan o Adolygiad Gwariant Llywodraeth y DU fydd yn buddsoddi mewn adnewyddu’r DU.

Bydd y pecyn rheilffyrdd trawsnewidiol yn ailgysylltu perfeddwlad diwydiannol Cymru, gwella siwrneiau teithwyr ac yn sbarduno twf economaidd mewn cymunedau sydd wedi dioddef cysylltiadau trafnidiaeth gwael ers amser maith.  �

Bydd y pecyn yn buddsoddi yng ngogledd a de Cymru, yn trwsio croesfannau, adeiladu gorsafoedd newydd ac yn uwchraddio llinellau presennol. �

Mae’r buddsoddiad strategol hwn mewn rheilffyrdd yn ffurfio conglfaen cynllun Llywodraeth y DU i ailgysylltu, ailddiwydiannu ac adnewyddu Cymru � mynd i’r afael â degawdau o danfuddsoddiad mewn isadeiledd hanfodol sydd wedi dal economi Cymru yn ôl. �

Bydd uwchraddio’r rheilffyrdd yn cysylltu canolfannau rhagoriaeth gweithgynhyrchu uwch yng Ngogledd Cymru ac yn gwella cysylltiadau hanfodol rhwng Caerdydd a Bryste, gan ei gwneud yn haws i fusnesau fuddsoddi ac i weithwyr gael mynediad i gyfleoedd cyflogaeth. �

Ochr yn ochr â’r buddsoddiad mawr hwn mewn trafnidiaeth, mae’r Adolygiad Gwariant yn darparu cefnogaeth sylweddol i sectorau diwydiannol allweddol Cymru.  �

Ym Mhort Talbot, bydd buddsoddiad cyfunol o hyd at £580 miliwn yn sicrhau dyfodol cynhyrchu dur tra’n trawsnewid y porthladd i ganolfan ynni glân. O fewn hyn, bydd £500 miliwn ar gyfer Ffwrnais Bwa Trydan newydd Dur Tata yn amddiffyn 5,000 o swyddi tra’n lleihau allyriadau carbon.

Dywedodd Ysgrifennydd Gwladol Cymru, Jo Stevens: �

Mae Llywodraeth y DU yn buddsoddi yn nyfodol Cymru ac yn sbarduno twf economaidd ar draws y wlad.   �

Gwnaethom addo y byddem yn delio gyda’r diffyg buddsoddi hanesyddol yn rhwydwaith rheilffyrdd Cymru ac mae’r cyllid a gyhoeddwyd heddiw yn yr Adolygiad Gwariant hwn yn dangos ein bod yn cyflawni’r addewid hwnnw.  �

Ynghyd â setliad ariannol mwyaf erioed i Lywodraeth Cymru wella gwasanaethau cyhoeddus, £118 miliwn yn fwy i helpu i gadw tomenni glo yn ddiogel a buddsoddi mewn diwydiannau sy’n tyfu fel awyrofod, rydym yn cefnogi potensial Cymru ac yn darparu ar gyfer pobl sy’n gweithio.

Datblygu diwydiannau amddiffyn ac awyrofod domestig Cymru �

Yn siarad yn Nhŷ’r Cyffredin heddiw, ailgadarnhaodd y Canghellor ymrwymiad y Llywodraeth i gynyddu gwariant amddiffyn i 2.6% o GDP erbyn Ebrill 2027, cefnogi ein Lluoedd Arfog, creu swyddi Prydeinig mewn diwydiannau Prydeinig a blaenoriaethu diogelwch Prydain pan mae ei angen fwyaf.  �

Cefnogwyd diwydiant Cymru gan yr Adolygiad Gwariant hefyd drwy barhau i fuddsoddi yn y diwydiant amddiffyn ar draws y DU, gan gynnwys Cymru.   �

Bydd diwydiannau awyrofod a cherbydau Cymru, eisoes yn cyflogi dros 15,000 o bobl, hefyd yn elwa drwy gyllid y DU cyfan a gyhoeddwyd ar gyfer y sector gweithgynhyrchu uwch, gan alluogi datblygu a darparu cerbydau ac awyrennau allyriadau di-garbon ac isel iawn.  �

Diogelwch tomenni glo  �

Mae’r Adolygiad Gwariant hefyd yn cadarnhau £118 miliwn pellach rhwng 2026-27 a 2028-29 i Lywodraeth Cymru gynnal diogelwch tomenni glo nas defnyddir, yn fuan ar ôl £25 miliwn a ymrwymwyd yn barod yn 2025-26 yn ystod Cyllideb yr Hydref 2024.  Bydd yr arian yn sicrhau diogelwch tomenni, cartrefi yn cael eu diogelu a thir yn cael ei ddatgloi ar gyfer tai, diwydiant a hamdden.   �

Roedd Llywodraeth y DU hefyd yn addo cefnogaeth barhaus i Barthau Buddsoddi yng Nghymru yn Rhanbarth Dinas Caerdydd a Wrecsam a Sir y Fflint, fydd yn derbyn £160 miliwn yr un dros 10 mlynedd, gan sbarduno twf a swyddi.  �

Cefnogi Busnesau yng Nghymru  �

Bydd y Sefydliadau Cyllid Cyhoeddus a Strategaeth Ddiwydiannol newydd yn cydweithio gyda’r llywodraethau datganoledig a rhanddeiliaid lleol i sbarduno twf ar draws y DU.  Trwy’r rhaglen Buddsoddi Cenhedloedd a Rhanbarthau mae Banc Busnes Prydain yn darparu £130 miliwn ar draws Cymru i dorri lawr y rhwystrau i fynediad at gyllid a sbarduno twf economaidd.   �

Cyllid twf lleol �

Bydd cronfa dwf leol newydd a buddsoddiadau mewn hyd at 350 o gymunedau difreintiedig ar draws y DU yn cynnal yr un lefel o arian ag yn 2025-26 o dan y Gronfa Ffyniant Gyffredin. Bydd y Weinyddiaeth Dai, Cymunedau a Llywodraeth Leol a Swyddfa Cymru yn gweithio gyda phartneriaid lleol i sicrhau bod arian yn mynd i brosiectau sydd o bwys i bobl leol.  Bydd y buddsoddiad hwn yn helpu i sbarduno twf a gwella cymunedau ar draws pob rhan o Gymru.  �

Setliad ariannol mwyaf erioed i wasanaethau cyhoeddus yng Nghymru  �

Bydd Llywodraeth Cymru yn derbyn y setliad mwyaf mewn termau real ers datganoli yn 1999, gyda setliad o £22.4 biliwn y flwyddyn ar gyfartaledd i ddarparu ar gyfer blaenoriaethau pobl sy’n gweithio yng Nghymru.   �

Mae’r pecyn buddsoddiad cynhwysfawr hwn yn cyflawni addewid Llywodraeth y DU ymhellach i fuddsoddi mewn adnewyddu Prydain a sicrhau bod twf economaidd o fudd i bob rhan o’r Deyrnas Unedig. 

DIWEDD